O concello de Dodro informa 🏛️Comunícase que a empresa UFD Distribución...

11/02/2026

O concello de Dodro informa 🏛️



Comunícase que a empresa UFD Distribución Electricidade, S.A. levará a cabo labores de xestión de biomasa vexetal nas liñas de distribución eléctrica situadas no termo municipal, en cumprimento da normativa vixente en materia de prevención e defensa contra os incendios forestais.



Estas actuacións deberán realizarse nunha faixa de 5 metros desde a proxección dos condutores eléctricos máis externos. Dentro desta zona non poden existir determinadas especies arbóreas, segundo o establecido na Lei 3/2007.



Este aviso publícase xunto co mapa da zona afectada, para coñecemento das persoas propietarias dos terreos incluídos no trazado das liñas eléctricas.



As persoas propietarias que o desexen poden executar previamente os traballos de limpeza e xestión da biomasa.



No caso de que, transcorridos 15 días naturais desde a publicación deste aviso, non se realizasen as actuacións correspondentes, UFD Distribución Electricidade, S.A. procederá á súa execución.