O concello de Dodro informa 🏛️

13/01/2026

O concello de Dodro informa 🏛️



Apertura do Programa Integrado de Emprego 2025–2026 do Concello de Dodro

O pasado venres, o Auditorio de Padrón acolleu a inauguración da edición 2025–2026 do Programa Integrado de Emprego, no que participan os Concellos de Dodro, Padrón, Pontecesures, Valga, Catoira e Rois.

No acto estiveron o alcalde de Dodro, Francisco Xabier Castro; o alcalde de Padrón, Anxo Rei; a alcaldesa de Pontecesures, María Teresa Tocino; o alcalde de Catoira, Xoán Xosé Castaño; e o alcalde de Rois, Ramón Tojo.

Nesta nova edición participan 100 persoas desempregadas, que recibirán formación en industria alimentaria, hostalería e turismo, sevizos socioculturais e á comunidade, sociosanitario, administración e xestión, comercio e marketing, sector metal, téxtil e formación complementaria transversal. O obxectivo é acadar, como mínimo, unha inserción laboral do 37%.

As persoas beneficiarias do Programa terán dereito a unha bolsa de 10 € por día de asistencia ás accións que realicen nel e haberá medidas tendentes a facilitar a conciliación coa vida familiar e laboral:

- Atención personalizada e ampla dispoñibilidade do persoal técnico para consultas ou outro tipo de información.

- Flexibilidade horaria e consensuada cos participantes nas accións de información, orientación e asesoramento.

- Adaptación dos horarios das accións do programa aos horario dos servizos educativos e de atención á dependencia do territorio.

- Horario continuo das accións formativas e diversificación horaria, valorando a opinión dos participantes

- Oferta de accións formativa na modalidade on line ou mixta e posibilidade de realizar accións de información e asesoramento utilizando as novas tecnoloxías para a comunicación.



O programa iniciou as súas actividades no mes de xaneiro, unha vez finalizado o proceso de selección das persoas participantes, e prolongarase ata outubro de 2026. Está cofinanciado pola Consellería de Emprego, Comercio e Emigración e por fondos finalistas do Servicio Público de Empleo Estatal con 220.000 euros.



O Programa Integrado de Emprego constitúe unha das ferramentas máis efectivas de políticas activas de emprego desenvolvidas polos concellos implicados.