Actuacións de fin de quenda na Escola de Verán. ☀️🎭
Os nenos e nenas prepararon unha fermosa sorpresa para as familias, deleitándoas con cancións, bailes e un divertido mini partido de fútbol no que incluso algunha mamá se animou a participar. Unha xornada chea de sorrisos, ilusión e bos momentos para despedir esta quenda da mellor maneira. 💙⚽🎶
Queremos destacar, ademais, que a Escola de Verán de Dodro é totalmente gratuíta para as familias participantes, sendo Dodro o único concello da comarca que non cobra ningunha taxa por este servizo. Un compromiso coas familias e coa conciliación que permite que todos os nenos e nenas poidan gozar dun verán cheo de actividades, aprendizaxe e diversión.