Dodro é cultura

12/07/2025

Dodro é cultura



Ao longo de todo o ano Dodro acolle unha intensa actividade cultural que, ademais das propostas propias, conta con colaboracións como a da Rede Cultural da Deputación da Coruña, do Festival Internacional de Narración Oral Atlántica, ou o Programa Ler conta moito da Dirección Xeral de Cultura da Xunta de Galicia



Unha oferta constante e abundante para un concello como o noso de tan só 2.626 habitantes (IGE, 2024). Unha actividade profesionalizada, de calidade, que ten como centro de interese distintas disciplinas artísticas, dirixida a distintos de públicos, descentralizada, accesible e gratuíta.



Unha oferta que nace dun compromiso coa cidadanía e que supón un esforzo importante da área municipal de Cultura.