Ven a limpar os meandros do Sar cos voluntarios de PLANCTON

04/06/2026

Ven a limpar os meandros do Sar cos voluntarios de PLANCTON



Voluntarios convocadas por Afundación a través do seu portal Actúa, participarán mañá sábado pola mañá nunha xornada de voluntariado ambiental nos concellos de Dodro e Padrón.



PLANCTON é o Plan de Conservación Territorial impulsado pola Obra Social de ABANCA. En esta ocasión o obxectivo é visibilizar que a chegada dos lixos ao mar comeza en moitas ocasións río arriba.



Preto do 80% dos lixos mariños proceden do continente, mentres que tan só un 20% é debido ás actividades socioeconómicas desenvolvidas no mar.



As tarefas de limpeza principiarán ás 10:00 da mañá, e finalizarán cara as 14:00, unha vez finalizada a clasificación e pesada dos residuos retirados dos meandros.

A actividade contará coa colaboración da Xunta de Galicia a través da Consellería de Medio Ambiente e Cambio Climático quen participou activamente nas tarefas previas de planificación da actividade xunto coa dirección técnica do proxecto PLANCTON, e dos concellos de Dodro e de Padrón, facéndose este último cargo da xestión final dos lixos retirados ao longo da xornada.



Punto de encontro : https://maps.app.goo.gl/xbcYG4E7gXKynJQN9



Máis información sobre o proxecto PLANCTON https://plancton.afundacion.org/